Бишкек, 10.06.20. /Адил Төлөгөнов – Кабар/. Бишкек шаарындагы "Орто-Сай" базары дезинфекциялоо чаралары үчүн 3 күнгө жабылды. Бул тууралуу Бишкек шаарынын вице-мэри Азиз Алымкулов өкмөт үйүндө өткөн брифингде билдирди.
Анын айтымында, коронавирус инфекциясын жугузуп алган жарандардын көбөйүп жатканына байланыштуу мындай чаралар көрүлүп жатат.
"Шаардык санэпидкөзөмөл борборунун сунушу менен "Орто-Сай" базарынын иши 10-июндан 13-июнга чейин дезинфекциялоо чаралары үчүн убактылуу токтотулду. Ошондой эле "Ош" базарында коронавирус жуктурган учурлар чыкты. Азыркы күндө Ош базарын дагы жабуу маселеси каралууда", - дейт Алымкулов.
Пикир
Оставить комментарий