Бишкек, 14.04.23. /Кабар/. Бүгүн, 14-апрелде Жалал-Абад шаарында окуучулар арасында “Манас таануу” интеллектуалдык телетаймашынын облустук баскычы өтүп жатат.
Шаардык мэриядан билдиришкендей, телетаймашка район-шаарлардан жеңишке жеткен командалар катышууда.
Аталган сынакка Жалал-Абад шаарынан “Манас таануу” боюнча №1 М.Бабкин жана №5 Б.Осмонов атындагы мектеп-гимназиясынын командалары, “Манас айтуу” боюнча 6 мектептин командасы катышууда.
Аталган телетаймаш бала бакчалар арасында да өтүп жатат. Ага шаарбыздагы №17 “Каакым” балдар бакчасы катышууда.
Жеңүүчү болгон командалар ушул жылдын май айында өтүүчү республикалык телетаймашта Жалал-Абад облусунун намысын коргойт.
Пикир
Оставить комментарий