Бишкек, 05.03.21. /Кабар/. Ыктыярдуу түрдө курал жана ок-дары тапшыргандарга сый акы төлөнөт. Бул тууралуу Жалал-Абад облустук милициясынын басма сөз кызматы билдирет.
“Жарандардын жана юридикалык жактардан таап алынган же мыйзамсыз сакталган курал-жарактарды, ок-дарыларды, жарылгыч заттарды жана жардыргыч түзүлүштөрдү ыктыярдуу түрдө акы төлөмө жана акысыз негизинде кабыл алуу жана текшерүү боюнча иштерди жакшыртуу максатында, ошондой эле КР өкмөтүнүн 2020-жылдын 3-февралындагы “Таап алынган же мыйзамсыз сакталган куралды жана жардыргыч түзүлүштөрдү ыктыярдуу түрдө акы төлөмө жана бекер негизинде тапшыруунун тартибин бекитүү жөнүндө” токтомун, КР ИИМнин 2020-жылдын 21-апрелиндеги жана Жалал-Абад ОИИБдин 2020-жылдын 8-майындагы буйруктарын аткаруунун негизинде төмөнкү тизмени жарыялайбыз”, - деп айтылат маалыматта.
Куралды жана ок-дарыларды, ага тете жардырма заттарды жана жардыргыч түзүлүштөрдү ыктыярдуу түрдө тапшыргандыгы үчүн төлөнүүчү сый акынын өлчөмдөрү:
|
№ |
Курал-жарактын жана ок-дарылардын аталыштары |
Бирдикке болгон баасы (сом менен) |
|
1 |
Колго жасалган (жабдыксыз) жана түнкү мээлегичи бар чет элдик өндүрүштөгү гранатомётторду кошкондо автоматтык гранатомёттор |
16000 |
|
2 |
Түнкү мээлегичи бар чет элдик өндүрүштөгү пулемётторду кошкондо пулемёттор |
16000 |
|
3 |
Түнкү мээлегичи бар чет элдик өндүрүштөгү автоматтарды кошкондо КА, МКА, АКМС, КА-74, АКС-74, АКС-74Уавтоматтардын түрлөрү ж.б.у.с. |
9600 |
|
4 |
Снайпердик атуу үчүн ылайыкталган узун сайлуу стволдук куралдардын түрлөрүн кошкондо СВД, СВДС,СВДН согуштук снайпердик (көзгө атаар) мылтыктар |
9600 |
|
5 |
Согуштук жана сайлуу аңчылык куралдардан чолок мылтыктарды кошкондо аңчылык карабини |
6400 |
|
6 |
Сменалык, салынма стволдук чолок мылтыктарды кошкондо аңчылык сайсыз мылтыктар |
3200 |
|
7 |
Колго жасалган атылуучу түзүлүштөр (октор менен атуу үчүн арналган буюмдар) |
1600 |
|
8 |
Армиялык жарылма заттар (тротил, гексоген жана алардан жасалган буюмдарды кошкондо башка жарылма заттар) |
100 граммына 1600 сом |
|
9 |
Өндүрүшкө арналган жарылма заттар (аммонит, угленит жана алардын аналогдору) |
100 граммына 840 сом |
|
10 |
Кол граната (машыгууда колдонгондон башка) |
3200 |
|
11 |
Атайын багыттагы инженердик ок-дарылар (машыгууда колдонгондон башка) жана сапёрдук миналар |
3200 |
|
12 |
Сайлуу куралдарга ок-дарылар (5,45; 7,62 мм жана андан ашык калибрдеги согуштук патрондор жана 7,62 калибрдеги аңчылык патрондор) |
1 даанасына 10 сом |
|
13 |
Сайсыз курал-жарактарга ок-дарылар |
1 даанасына 6 сом |
|
14 |
Газ куралдары, травматикалык аракеттеги октору менен куралдар, өздүк коргонуу куралдары |
3200 |
|
15 |
Атылуучу тапанча же револьвер |
6400 |
|
16 |
Кара дары (порох) |
100 граммына 100 сом |
Пикир
Оставить комментарий