Бишкек, 03.04.23. /Кабар/. Футбол боюнча Кыргызстандын кыздар арасындагы олимпиадалык курама командасы Бишкекте Индиянын командасы менен эки беттеш өткөрөт. Бул тууралуу Кыргыз футбол бирикмесинен билдиришти.
Биринчи оюн 4-апрелде, экинчиси 7-апрелде Д.Өмүрзаков атындагы стадионунда болот.
Эскерте кетсек, жайкы Олимпиадалык оюндар 2024-жылы Парижде өтөт. Тандоо турунда Кыргызстан, Индия жана Түркмөнстандын командалары “G” тайпасында жайгашкан. Бирок Түркмөнстандын командасы беттешке катышпай турганын билдирген.
Пикир
Оставить комментарий