Бишкек, 02.09.18. /Кабар/. Бүгүн, 2-сентябрда, Кыргыз Республикасына Фуджейра эмиратынын ханзаадасы (Бириккен Араб Эмираты) Улуу урматтуу шейх Мохаммед бин Хамад бин Мохаммеда Аль Шарки келди. Бул тууралуу КР өкмөтүнүн аппаратынын маалыматтык камсыздоо бөлүмү билдирет.
«Ысык-Көл» эл аралык аэропортунда шейх Мохаммед бин Хамад бин Мохаммеда Аль Шаркини Кыргыз Республикасынын биринчи вице-премьер-министри Кубатбек Боронов тосуп алды.
Улуу даражалуу шейх Мохаммед бин Хамад бин Мохаммеда Аль Шарки Кыргыз Республикасына жумушчу сапар менен келди.
Сапар алкагында ханзаада Кыргыз Республикасынын Премьер-министри Мухаммедкалый Абылгазиев менен жолугушат.
Улуу даражалуу шейх Мохаммед бин Хамад бин Мохаммеда Аль Шарки ошондой эле бүгүн Ысык-Көл жээгинде өтө турган III Дүйнөлүк көчмөндөр оюндарынын ачылыш салтанатына катышат.
Пикир
Оставить комментарий