Бишкек, 19.09.17. /Нурсулуу Нуркамилова – Кабар/.Бишкектеги Жаштар аллеясында белгисиз бирөөлөр тарабынан талкаланган “Көз айнек” арт-инсталляциясы оңдолду. Бул тууралуу Бишкек шаардык мэриясынын басма сөз кызматынан кабарлашты.
Маалыматка ылайык, “Көз айнек. Көз караш” арт-инсталляциясын “Тазалык” муниципиалдык ишканасынын кызматкерлери кайрадан оңдоп чыгышкан.
Учурда Ленин райондук администрациясы укук коргоо органдары менен биргеликте көз айнекти талкалган бейбаштарды издөөдө.
Эске сала кетсек, арт-инсталляция Жаштар аллеясына 2016-жылдын 27-июлунда орнотулган.
Пикир
Оставить комментарий