Бишкек, 31.12.24. /Кабар/. Мамлекеттик бажы кызматынын кызматкерлери Сокулук районунун Шопоков шаарында жайгашкан майыптыгы бар балдар үчүн үй-бүлө тибиндеги балдар үйүндөгү балдарды жаңы жылы менен куттукташты.
Ведомстводон билдиришкендей, визиттин максаты – балдарга майрамдык маанайды тартуулоо, көңүл буруу жана камкордук көрүү болду.
Белгиленгендей, балдарга таттуулар салынган белек топтомдору жана балдардын чемодандары тапшырылды.
"Мындай иш-чаралар ар бир бала мээримге жана көңүл бурууга татыктуу экенин эскертип, социалдык жоопкерчилик жана колдоонун маанилүүлүгүн белгилейт",-деп айтылат маалыматта.
Пикир
Оставить комментарий