Бишкек, 17.07.20 /Кабар/. Баткенде борбордук базар убактылуу жабылды. Бул тууралуу өкмөттүн Баткен облусундагы өкүлчүлүгүнүн басма сөз кызматы билдирет.
Маалыматка ылайык, өлкөдөгү эпидемиологиялык кырдаалга байланыштуу Баткен шаарындагы борбордук базар жана мал базар 22-июлга чейин убактылуу жабылды.
Белгилей кетсек, Баткен облусунда 17-июлга карата коронавирус аныкталган 53 учур катталды. Алар - Баткен районунан - 4, Баткен шаарынан - 4, Кызыл-Кыя шаарынан - 17, Кадамжай районунан - 17, Лейлек районунан - 11 адам.
Облус боюнча жалпы ооругандардын саны 513 адамды түздү.
Пикир
Оставить комментарий