Бишкек, 24.12.24. /Кабар/. Бишкекте Таэквондо GTF боюнча өспүрүмдөр, жаштар, жана чоңдор арасында Кыргызстандын чемпионаты өттү.
Дене тарбия жана спорт департаментинен билдиришкендей, спорттук иш-чара 21-23-декабрь күндөрү "Газпром" спорттук комплексинде орун алды.
Мелдешке республиканын бардык аймактарынан келген 600дөн ашык спортчу катышты.
Жеңүүчүлөргө тиешелүү даражадагы диплом жана медалдар тапшырылды. Ошондой эле алар 2025-жылы Бириккен Араб Эмиратында өтө турган дүйнө чемпионатына катышууга жолдомо алды.
Пикир
Оставить комментарий