Бишкек, 21.09.23. /Кабар/. Күн мурун Ош шаарынын мэриясында ишкерлердин кесиптик майрамына карата сыйлоо аземи болуп өттү.
Ага Ош шаарынын мэриясынын аппарат жетекчиси Азат Кубатбек уулу катышып, ишкерлердин шаардын социалдык-экономикалык көрсөткүчтөрүн жогорулатууга кошкон салымын белгилеп, Ош шаарынын мэринин атынан кесиптик майрамы менен куттуктады.
Ошондой эле Кыргызстандын көз карандысыздык күнүнүн 32 жылдыгына жана мамлекеттик ишмер Н.Исановдун 80 жылдыгына арналган иш-чараларга активдүү катышкандыгы үчүн бир катар ишкерлер Ош шаарынын мэриясынын Ардак грамота жана Ыраазычылык баракча менен сыйланышты.
Пикир
Оставить комментарий