Бишкек, 03.06.20. /Кабар/. Нарындагы нөшөрлөп жааган жамгырдан кийин көчөлөрдү жана үйлөрдү суу каптады.
КР Өзгөчө кырдаалдар министрлигинин басма сөз кызматы билдиргендей, Нарында бүгүн болжол менен саат 16:00дө нөшөрлөп жамгыр жааган, анын кесепетинен жаан суулары турак үйлөрдүн короолорун жана көчөлөрдү каптаган.
Жерине ӨКМдин Нарын облусу боюнча башкармалыгынан ыкчам топ, Нарын шаардык №16 Аскерлештирилген Өрт-куткаруу борборунан куткаруучулар тартылган.
Министрликтен кырдаал боюнча кошумча маалымат бериле тургандыгын билдиришти.
Пикир
Оставить комментарий