Бишкек, 19.10.24. /Кабар/. Күн мурун Баку шаарында Кыргызстандын Азербайжандагы элчиси Максат Мамытканов Азербайжандын коргоо өнөр-жай министри Вугар Мустафаев менен жолукту.
Тышкы иштер министрлигинен билдиришкендей, жолугушуунун жүрүшүндө тараптар эки өлкөнүн коргоо өнөр-жай тармагындагы учурдагы өз ара аракеттенүүсүн жана бул багытта мындан аркы кызматташуунун перспективаларын талкуулашты.
Ошондой эле Азербайжандын Коргоо өнөр-жай министрлиги тарабынан эки жылда бир жолу Баку шаарында өткөрүлүүчү ADEX Эл аралык коргоо өнөр-жай көргөзмөсү боюнча пикир алмашуу болду.
Пикир
Оставить комментарий