Бишкек, 06.12.18. /Кабар/. Чүй облусунда жол көзөмөл кызматкерлери коомдук унааларды текшерүүгө алды. Бул тууралуу Чүй облусунун автоинспекция кызматынан кабарлашты.
Маалыматка ылайык, бул иш-чаранын максаты жүргүнчү ташыган унаалардын ишине көзөмөлдү күчөтүү, жол эрежесин бузган айдоочуларды жана техникалык талаптарга жооп бербеген унааларды аныктоо.
Текшерүүнүн жүрүшүндө Ысык-Ата жана Аламүдүн районунун автоинспекторлору автобус жана кичи автобустарды текшерип, каттамга чыккан унааларга да көзөмөл жүргүзүштү.
Пикир
Оставить комментарий