"Бишкекжарык" жана "Ошжарык" ишканалары тажрыйба алмашты

Бишкек, 21.11.22. /Кабар/. Бишкекке “Ошжарык” муниципалдык ишканасынын кызматкерлери келишти. Бул тууралуу Бишкек мэриясы маалымдайт.

“Ошжарык” ишканасынын кызматкерлерин "Бишкекжарыктын" жамааты тосуп алып, жумушчу жыйында көйгөйлүү маселелер талкууланып, тажрыйба алмашылды.

Жолугушуунун жүрүшүндө "Бишкекжарыктын" командасы өзүн-өзү көтөрүүчү изоляцияланган зымды (СИП) кантип төшөө керектигин, заманбап светодиоддук жарыктандыруунун салттуу жарык булактарынан артыкчылыгын көрсөтүштү.

Белгиленгендей, жолугушуу теориялык билимди жана тажрыйба бөлүшүүгө жакшы мүмкүнчүлүк болду.