Бишкектин борборунда дагы бир тротуардын курулушу башталды

Бишкек, 13.05.23./Кабар/. Бишкектин Логвиненко көчөсүн бойлой Бөкөнбаев көчөсүнөн темир жолго чейинки жөө адамдар өтүүчү жолду оңдоо иштери башталды.

Муниципалитеттен билдиришкендей, "Бишкекасфальтсервис" ишканасы жолдун бул тилкесинде түштүк-чыгыш тарабындагы тротуарды курууда. Ишкана тарабынан буга чейинки эски асфальттын катмары жана айрым жерлерине орнотулган плиталар алынып салынды.

Тротуар тосмолорун орнотуу иштери Бөкөнбаев көчөсү менен кесилиштен башталды.