Бишкек, 15.05.18. /Кабар/. Бишкекте оңдоо иштерине байланыштуу Москва көчөсүнүн бөлүгү жабык болот. Бул тууралуу шаардык муниципалитеттин басма сөз кызматы билдирди.
“15-майдан тарта Москва көчөсүнүн Ибраимовдон Абдрахманов (мурдагы Совет көчөсү) көчөсүнө чейинки бөлүгү жабык болот”,-деп айтылат маалыматта.
Бул тилкеде асфальтбетонду оңдоо, тротуарларды, жол белгилерин орнотуу иштери жүргүзүлөт. Оңдоо иштерин үстүбүздөгү жылдын 5-августуна чейин аяктоо пландалууда.
Бишкек мэриясы келтирилген ыңгайсыздыктар үчүн шаардыктардан кечирим сурап, жол кыймылынын альтернативдик каттамдарын тандоого чакырат.
Пикир
Оставить комментарий